Oʻzbekiston importi toʻrt oy ichida 27 foizga oshib, 16,4 milliard dollarga yetdi

Milliy statistika qo‘mitasi ma’lumotlariga ko‘ra, 2026 yil yanvar–aprel oylarida O‘zbekiston importi 26,7% ga oshib, 16,4 milliard dollarni tashkil etdi. Shu davrda mamlakatning umumiy tashqi savdo aylanmasi 26,33 milliard dollarga yetdi — bu o‘tgan yilga nisbatan 5,8% ga ko‘p.

Eksport esa aksincha 16,8% ga kamayib, 9,97 milliard dollarni tashkil etdi. Natijada savdo balansi taqchilligi deyarli yetti baravar oshib, 930 million dollardan 6,38 milliard dollarga yetdi.

Import hajmi bo‘yicha Top-10 davlat:

1. Xitoy — 5,3 mlrd dollar
2. Rossiya — 3,1 mlrd dollar
3. Qozog‘iston — 1,4 mlrd dollar
4. Janubiy Koreya — 620,9 mln dollar
5. Turkiya — 559,2 mln dollar
6. Hindiston — 369,7 mln dollar
7. BAA — 361,1 mln dollar
8. Germaniya — 359,2 mln dollar
9. Belarus — 274,8 mln dollar
10. Turkmaniston — 262,2 mln dollar

Xitoy bilan savdo 49,3% ga, Rossiya bilan esa 19,4% ga oshgan. Ayniqsa energiya resurslari importi keskin o‘sdi: to‘rt oyda O‘zbekiston 508,3 million dollarlik tabiiy gaz import qildi — bu o‘tgan yilning shu davriga nisbatan 53,6% ga ko‘p.

Yevroosiyo iqtisodiy ittifoqi davlatlari bilan savdo aylanmasi 7 milliard dollardan oshdi, bu umumiy tashqi savdoning 26,7% ini tashkil etadi. Shundan eksport — 2,2 milliard dollar, import — 4,8 milliard dollarni tashkil etdi.