Toshkentda mast holda haydovchilik guvohnomasi yoʻq haydovchi YTH sodir etib, qochishga urindi

20-iyunga oʻtar kechasi soat 01:30 atrofida Toshkent shahrining Fargʻona yoʻli koʻchasida uch kishilik toʻqnashuv sodir boʻldi. 1981-yilda tugʻilgan Cobalt rusumli avtomashina haydovchisi, avvalroq guvohnomasidan mahrum boʻlib, mast holatda qarama-qarshi harakat chizigʻiga chiqib, belgilar talablariga e’tibor bermay, birdaniga ikkita – Leapmotor va Spark rusumli avtomashinalarga borib urilgan.

YTHdan soʻng huquqbuzar voqea joyini tark etishga uringan, biroq ichki ishlar xodimlari tomonidan qizgʻin ta’qibda qoʻlga olingan. Hodisa oqibatida jabrlanganlar yoʻq.

Toshkent shahar IIBB YHXB YHXB inspektorlarining tezkor harakatlari natijasida yanada ogʻir oqibatlarning oldini olish imkonini berganini qayd etdi. Voqea yuzasidan tekshirish tadbirlari olib borilmoqda.