O‘zbekistonliklar xorijda o‘qishni kamroq tanlayapti

O‘zbekistonda xorijda ta’lim olish uchun ketayotganlar soni kamaymoqda. Milliy statistika qo‘mitasi ma’lumotiga ko‘ra, 2026 yil yanvar–aprel oylarida 7,4 ming kishi o‘qish maqsadida chet elga chiqib ketgan. Bu o‘tgan yilga nisbatan 2,6 mingga kam, ya’ni pasayish 26,2% ni tashkil etadi.

2026-yilning birinchi choragida ham shu yo‘nalishda pasayish qayd etilgan — xorijda o‘qishni tanlaganlar soni yillik hisobda sezilarli darajada kamaygan.

Shunga qaramay, o‘zbekistonlik talabalar tanlayotgan mamlakatlar geografiyasi kengligicha qolmoqda. Eng katta oqim qo‘shni va yaqin davlatlarga to‘g‘ri keladi.

• Qirg‘iziston — 1 519 talaba,
• Rossiya — 1 515 talaba.

Janubiy Koreyaga qiziqish ham yuqori darajada saqlanmoqda — 1 184 nafar fuqaro aynan shu mamlakatni tanlagan. Shu miqdorga yaqin ko‘rsatkich boshqa davlatlar yig‘indisiga ham to‘g‘ri keladi.

Shuningdek, quyidagi davlatlar ham talabgir bo‘lib qolmoqda:

• Turkiya — 554 talaba,
• Tojikiston — 514 talaba,
• Xitoy — 472 talaba,
• Buyuk Britaniya — 413 talaba.