Samarqand markazida 13 ta ko‘cha piyodalar uchun yopiladi

Samarqandda tarixiy markazni yangilash va piyodalar hududlarini kengaytirish rejalashtirilmoqda. Bu masala 10-iyun kuni prezident Shavkat Mirziyoyev raisligida o‘tkazilgan yig‘ilishda ko‘rib chiqildi.

Loyihaga ko‘ra, shaharning markaziy qismidagi 13 ta ko‘cha to‘liq piyodalar hududiga aylantiriladi. Bu qaror sayyohlar uchun qulay sharoit yaratish va asosiy diqqatga sazovor joylarni yagona yo‘nalish bilan bog‘lashga qaratilgan. Shu bilan birga, shaharda yangi xizmat ko‘rsatish obyektlari — kafe, do‘kon va dam olish maskanlari barpo etiladi. Bu orqali turistlarning shaharda qolish muddati uzaytirilishi kutilmoqda.

Rejalarga ko‘ra,“Ohalik — Okbuyro — Mironkul” turistik-rekreatsion hududi kengaytiriladi. Bundan tashqari, Imom Moturidiy majmuasi yaqinidagi “Shaar” kollektor atrofini obodonlashtirish ham ko‘zda tutilgan. Turizm hajmini oshirish uchun Samarqand va yaqin hududlarda mehmonxonalar soni 850 taga, umumiy sig‘imi esa 20 ming o‘ringa yetkaziladi.