Germaniya prezidenti 2036-yilgi Olimpiadani mamlakatda oʻtkazish gʻoyasini qoʻllab-quvvatladi

Germaniya prezidenti Frank-Valter Shtaynmayer oʻzining avvalgi pozitsiyasini oʻzgartirib, 2036-yilgi yozgi Olimpiya oʻyinlarini mamlakatda oʻtkazishni qoʻllab-quvvatladi. U ilgari bu g‘oyaga qarshi chiqib, 1936-yil Berlin Olimpiadasi bilan bog‘liq tarixiy o‘xshashliklardan xavotir bildirgan edi.

Endi Shtaynmayerning fikricha, Germaniya rivojlangan infratuzilmasi va jamoatchilikning sportga qiziqishi tufayli Oʻyinlarni oʻtkazishga tayyor. Shu bilan birga, tarixiy mavzuga mas’uliyat bilan yondashish zarurligini ta’kidladi.

Xalqaro olimpiya qoʻmitasi 2036-yilgi Olimpiadani 2028–2029-yillarda oʻtkazish joyi toʻgʻrisida qaror qabul qiladi. Nomzodlar orasida Qatar, Turkiya, Hindiston va boshqa davlatlar ham bor.