Buxoroda 19 yoshli qiz tovlamachilikda ushlandi

Buxoroda tovlamachilikka chek qoʻyildi: 19 yoshli qiz opasi bilan munosabatda boʻlgan yigitdan pul talab qilgan.

Huquq-tartibot idoralari ma’lumotlariga koʻra, gumonlanuvchi shaxsiy xarakterdagi fotosuratlar va videolarni tarqatish bilan tahdid qilgan. U ushbu materiallarni jabrlanuvchining qarindoshlariga yuborishini va ularni ijtimoiy tarmoqlarda nashr etishini aytgan. Shuningdek, u turli idoralarga murojaat qilishini aytib, yigitga bosim oʻtkazgan. Yigit oshkor bo‘lishidan qo‘rqib, 2 ming dollar berishga rozi bo‘lgan.

2-iyun kuni Bukhara City hududida o‘tkazilgan tezkor tadbir davomida gumonlanuvchi pulni olayotgan vaqtda ushlangan. Holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilgan. Tergov davom etmoqda.