AQShdagi o‘zbekistonliklar ogohlantirildi

O‘zbekistonning Nyu-Yorkdagi Bosh konsulxonasi AQShda bo‘lib turgan fuqarolarga murojaat qildi. Bunga so‘nggi paytlarda ayrim o‘zbekistonliklar bilan bog‘liq bo‘lishi mumkin bo‘lgan huquqbuzarliklar haqidagi xabarlar ko‘paygani sabab bo‘lgan.

Diplomatik vakolatxona fuqarolarni AQSh qonunlariga qat’iy rioya qilishga, mahalliy tartib-qoidalar va madaniyatga hurmat bilan qarashga chaqirdi.

Konsulxona har qanday qonunbuzarlik shaxsiy javobgarlikka olib kelishini va bu holatlar butun o‘zbek diasporasi obro‘siga salbiy ta’sir ko‘rsatishini ta’kidladi.

Shuningdek, zarur hollarda fuqarolarga konsullik-huquqiy yordam ko‘rsatishga tayyor ekani ma’lum qilindi.