Toshkentdagi Qoʻgʻirchoq teatri rekonstruksiyadan soʻng qisman yangilandi

Oʻzbek Milliy qoʻgʻirchoq teatrida rekonstruksiyaning birinchi bosqichi yakunlandi. Ta’mirlash va interyer ishlari bilan Archattacka byurosi va Imagineers studiyasi shug‘ullandi.

Loyiha binoning oldingi gʻoyasi - 1970-yillarning oxirida Valeriy Kuzlyanov boshchiligida me’morlar tomonidan ishlab chiqilgan ertak qal’asi tasviriga asoslangan. Shu bilan birga, asl qismlarni saqlab qolish ustuvor ahamiyatga ega edi.

Ish davomida “Ertaklar shahri” haykaltarosh panoramasi, katta zalning temir eshiklari, tarixiy lampalar va mexanik kompozitsiya qayta tiklandi. Fasaddagi mozaik friz ham tartibga keltirildi.

Ilgari teatr oldidagi favvoralarni bezab turgan sopol figuralarni qayta tiklash ishlari davom etmoqda.

Kelgusida teatr maydoni yangi mavzuli xonalar va tashrif buyuruvchilar uchun maydonlar bilan toʻldiriladi.