Ostonadagi sammitda prezident bir qator tashabbuslarni bildirdi

Shavkat Mirziyoyev O‘zbekistonning YEOII bilan hamkorligini rivojlantirish ustuvor yo‘nalishlarini belgilab berdi.

O‘zbekistonning asosiy tashabbuslari:

• Savdoni raqamlashtirish — elektron hujjatlarga o‘tish, ma’lumot almashuvini yo‘lga qo‘yish, chegaradagi tartib-taomillarni soddalashtirish
• Sanoat kooperatsiyasi — sanoat, energetika va qurilish sohalarida qo‘shma loyihalarni yo‘lga qo‘yish
• Ishlab chiqarishni modernizatsiya qilish — energiya samaradorligini oshirish va zararli chiqindilarni kamaytirish
• Mehnat migratsiyasi — bandlikning raqamli servislarini integratsiya qilish va bo‘sh ish o‘rinlariga kirishni soddalashtirish
• Turizm — “Markaziy Osiyo turistik halqasi” loyihasini rivojlantirish

Yakunda prezident O‘zbekistonning YEOII bilan hamkorlikni yanada kengaytirish va qo‘shma tashabbuslarni amalga oshirishdan manfaatdorligini tasdiqladi.