“Avtomobilsiz kunlar” 1-maydan boshlanadi

1-maydan boshlab Oʻzbekistonda “Avtomobilsiz kun” tashabbusi joriy etilmoqda. Yangi amaliyot doirasida har oyning 10 va 25 kunlari rasmiy avtotransport vositalaridan foydalanishni qisqartirishga qaratilgan maxsus rejim joriy etiladi.

Shu kunlarda davlat xizmatchilariga xizmat transportidan foydalanish taqiqlanadi. Ushbu chora shahar infratuzilmasiga yukni kamaytirish, ekologik vaziyatni yaxshilash va muqobil transport turlarini, jumladan, jamoat transporti va piyoda yoʻnalishlarini rivojlantirishga qaratilgan.

Qayd etilishicha, agar 10 yoki 25 kun ish kuniga toʻgʻri kelsa, rasmiy transport haydovchilarining ish haqi toʻliq hajmda saqlanib qoladi. Ushbu shart yangi qoidalar munosabati bilan xodimlarning moliyaviy yoʻqotishlarini oldini olish uchun joriy etilgan.

“Avtomobilsiz kun” tashabbusi barqaror shahar muhitini yaratish va davlat organlarining ekologik mas’uliyatini oshirishga qaratilgan kengroq siyosatning bir qismi sifatida koʻrilmoqda.