Open Bank Özbekistonda islomiy bankçilik uçun birinçi litsenziyani oldi

Markaziy bank Open Bank’ka islomiy bankçilik faoliyatini amalga oşiriş uçun №1-I litsenziyasini berdi. Qaror 23-oktabr kuni qabul qilindi.

Litsenziya bankka «Banklar va bank faoliyati töğrisida»gi qonunda belgilangan islomiy moliyaviy operatsiyalarni ötkaziş huquqini beradi.

Open Bank islomiy mahsulotlar uçun alohida hisob yuritişi, maxsus bölinma va Islomiy moliya kengaşini taşkil etişi kerak.

Bank quyidagi xizmatlarni taklif qilişi mumkin:

• murobaha: bank tovarni sotib olib, mijozga kelişilgan ustama bilan bölib tölaş şarti asosida sotadi;
• ijara: mol-mulk mijozga ijaraga beriladi, jumladan keyinçalik sotib oliş huquqi bilan;
• muşoraka: bank va mijoz loyihani birgalikda moliyalaştiradi;
• mudoraba: bir tomon mablağ kiritadi, ikkinçi tomon loyihani boşqaradi, foyda şertnomaga köra taqsimlanadi;
• vakala: mablağlar agentlik şertnomasi asosida boşqaruvga beriladi;
• salam: tovar uçun oldindan haq tölab, uni belgilangan muddatda qabul qiliş.

Islomiy moliyalaştirişda odatiy foizli qarz örniga savdo ustamasi, ijara tölovlari yoki foydani taqsimlaş mexanizmlari qöllanadi. Bu moliyalaştiriş bepul degani emas: uning qiymati va tölov tartibi şertnomada belgilanadi.

Islomiy bankçilik uçun huquqiy asos 2026-yil 29-iyundan amal qilmoqda. Qonun alohida islomiy banklar hamda islomiy yönaliş oçadigan amaldagi tijorat banklariga maxsus litsenziya berişni nazarda tutadi.

Open Bank bu yönalişga iyun oyidan tayyorlana boşlagan. Bank aksiyadorlari islomiy bankçilikni joriy etiş va Islomiy moliya kengaşini tuzişni ma’qullagan. Bank avval Smart Bank nomi bilan faoliyat yuritgan. U 2025-yil sentabrda nomini Open Bank’ka özgartirib, asosiy bank litsenziyasini qayta rasmiylaştirgan.